A B C D E F G H I J K L M N O P Q R S T U W X Y Z
Necat Zivingî - De Rabe!
706 Xwendin
10 Ecibandin
Asoya Helbesta Kurdî

Necat Zivingî - De Rabe!

de rabe qurban ji xewê rabe
ez kurdistan im halêm xirab e

rabe binêre agir dibare
dujminê zordar çiqas xedar e

ketiye hundir îro dagirker
dest daniye ser welat seranser

rabe bavêje şubhe gumanê
ji bo dujmin jî were îmanê

tu xwe qebûlke bi her reng û deng
ji bo meşeke hevkar bi aheng

dujmin li ber hev te bi kar tîne
piştre yek bi yek ser difirîne

ta kengî tu yê dijberê hev bî
doza ez û tu te bixe bin pî

navê te kurd e bi navê xwe be
ji bo li cîhan dengê te hebe

mîna gelên din ala xwe hilde
çira xwe pêxe ronî di dil de

rêya rûmetê tim yekîtî ye
hizûra welêt bi biratî ye

bêje dagirker derkeve here
ev ne yê te ye zû derkev der e

ger hişyar nebî welat wêran e
agir û xwîn e çiqas dêran e

ez kurdistan im halêm xirab e
ji bo xwedê tu de bes e rabe!

*Bi destûra helbestvanî ye.