Nalî Şarezûrî - Nemirdim

Nemirdim min eger em care bê to
neçim şert bê heta em xware bê to

derûnim xalîye wek `ney` denalê
hewarêkî çi pirr haware bê to

Bînayîm kwêre helnayê be rûy kes
mujem yek yek delêy bizmare bê to

hemû e`zayî nalînim denalê
serapam mîslî mosîqare bê to

qesem bew şerbetî dîdarî paket
şerabim `eynî jehrî mare bê to

le kin to xar û xes gulzare bê min
le kin min xermenî gul xare bê to

le kin min ba wicudî nas û ecnas
kesî têda nîye em şare bê to

heta tom aşna bûy aşnam bûn
emêsta mû be mû exyare bê to

hemû rojê letaw hîcranî emsal
temennay mirdinî pêrare bê to

le hesret serûy qedit çawî `nalî`
dû coge belku dû rûbare bê to