A B C D E F G H I J K L M N O P Q R S T U W X Y Z
N. Alêşkî - Tenê Dil
134 Xwendin
0 Ecibandin
Asoya Helbesta Kurdî

N. Alêşkî - Tenê Dil

Li nav daristanê,
bi xwexuşandinê
gaziyên min
di pelên gûzan re
dilezin.
Di nav pêlan de
direqisin,
li ber awazên kûvî
yên çem û deryayan,
stranên ba û bahozan
dinehwirînin, dilorînin,
ji çamûra bêsereder
direvin.
Li hewa,
di ser darhinaran re
paş û pêş,
pêş û paş,
bi azadî lê
bi bendên evînê girêdayî
digerin.
çav min
nabînin,
guh min
nabihîzin;
tenê dil dikarin
bi awazên bêdeng bihesin