A B C D E F G H I J K L M N O P Q R S T U W X Y Z
Mizgîn Hesko - Piyala Evîn
156 Xwendin
0 Ecibandin
Asoya Helbesta Kurdî

Mizgîn Hesko - Piyala Evîn

Nermîn bide dest min piyala vînê
Min mestke ji kehniya vê birînê

Bila ev hiş û sewdan bibne serxweş
şûşa meyê bîne, metirse Dînê

Kul û derdê min pirr in, nîne derman
Mixabin yar ez kuştim vê evînê

Bide min piyala bi wan destê xwe
sermestî tenê dilê min dihînê

şev û roj, herdû li ba min wek hev in
Min nedî kêfxweşî ji wê civînê

Nerm in - xwezka Gola Wan bûbane mey
Lê tirsa min ew e ku mey nemîne

Lê şêrînê, miştke piyala min
Ber ez Mem bûm û rvîn jî Zînê

Tîrên dijwar bes vede, te ez kuştim
Nermîn pêlek min dibe, yek min tînê

Nermîn bide min piyalek dîtir
Bi destê xwe belake hinek vînê

Ey şox û şengê, vî dilî ji mir veke
Ezê bi sadî dermankim birînê

Tenê li ber çavên min xuyabe
Lê rastî ez im nexweşê nav livînê

Tenê bide min piyala kirîstal
Ev reng geş e di çav de didomînê

Jana min zirav e...evîn giran e
Dil wênme ye, çima tu wî nabînê

Nermîn tiştek mîna şad dil geş nake
û tiştek wek evîn dil naleqîne

De wer hilde piyala evîn te jor
Wê evîn kulîlkan bişkevînê

Tirbesipiyê 1989