Mişel Osman - Serdana Gora Mihemed Şêxo

Ji jînê te barkir siwarê kulan
De rabe bi sazê tu şake dilan

Tu bû perperîkek ji ronya welat
şima sor û talî ji ter bû xelat

Gelê min bi ahîne bavê Felek
Li dor te civîne ji rengê xelek

Nizanim çi bêjim dilo rabe bes
Eva çende salin ne dîtî tu kes

Buhar bû, ji mer ma tenê `tale dem
Ji lewra dimînin timî dil bi xem

Felek xweş neyare bi min re timî
Li ber wê tucarî serê m` na çimî

Bi gorê şehîdan bi sûnda giran
Di nav gel dimînî wekû pakrewan

Di rêza şehîdan jimara te ye
Bilinde cihê te di nav dil de ye.