A B C D E F G H I J K L M N O P Q R S T U W X Y Z
Mîkaêlê Reşîd - Meha Yanvarê
129 Xwendin
0 Ecibandin
Asoya Helbesta Kurdî

Mîkaêlê Reşîd - Meha Yanvarê

Roj dirêj dibin,
Rast e bi deqa, lê dirêj dibin.
Û ev zivistan û ev berfa çîya
Ev bûza şimşat, ku gol kirye dîl,
Ser lêvê xwe, ku ii sermê şîn in,
Bîna biharê bona min tînin,
Çimkî şevê sar, rast e bi deqa
Îdî kin dibin,
Roj dirêj dibin.

Te'vê can, te'vê,
Zûtirê emê
Bag û bagçada
Çol û bestada
Mînanî berê hevra bin, şa bin,
Binhêrin çawa kulîlk vedibin.
Û tê sura xwe mîna par, pêrat
Ber min ha vekî, ez jî çawa zar
Zende bimînim ber ecêbê te,
Lê berî gişka, hema serî da,
Ez ê hêdîka, ku tu kes nebhê,
Bi dil-can bêjim:
-Bîra te kirye, te'vê can, te'vê.

Çi baş e, wekî roj dirêj dibin.

1972
Çavkanî: twitter: @birahim_bulak