Mîkaêlê Reşîd - Dar

Ez destê xwe didim
Ser bedena darê,
Û destê min hêdî
Ricafa wê dibhê.

Û dar dijî, dijî
Ne ku tenê boy xwe,
Lê bona min, boy te
Û bona wî dijî.

Ba belgê darêda
Xwera nerm distirê,
Kilama wê xweşe,
Ça berbanga sibê.

Û dinê bona min
Dîsa xweşe, teze
Çawa teze bû, ew,
Wexta ku zar bûm ez.

Dar bi ricafa xwe
Bin destê min vira
Kilama zarotya
Merivaê distire.

1972
ji We'de-Pencere-Mitale, Weşanxaneya Belkî