A B C D E F G H I J K L M N O P Q R S T U W X Y Z
Mihemed Ronahî - Salnameya Evînê (1)
93 Xwendin
0 Ecibandin
Asoya Helbesta Kurdî

Mihemed Ronahî - Salnameya Evînê (1)

ji bihareke derewîn guh xwarin
hêviyên min ên beravêtî
niha stewr diçêrin
li deşta jiyaneke bejî
şivanekî şevlêgeriyayî me ez
li guhera xeyalên dilşikestî

şivanekî şevlêgeriyayî me
têra xwe rêdûr
têra xwe pezwendayî

ev çend e şopa berfînan digerînim
li sertarên çiyayên qurre
şopa berfînan digerînim ev çend e

li her dewsek te berfîneke stuxwar
li her dewsek te xezaleke birîndar

ey xwedewenda berfînan
tu xwişka xeyalên min ên dûr î
ez destbirakê stranên te yên nîvçemayî
Şîrove

Ka tu şîroveyeke giranbuha li vê helbestê nakî?