A B C D E F G H I J K L M N O P Q R S T U W X Y Z
Mihemed Ronahî - Îro Ji Derba Xencerê
161 Xwendin
2 Ecibandin
Asoya Helbesta Kurdî

Mihemed Ronahî - Îro Ji Derba Xencerê

“Bo mîrê helbestê Melayê Cizîrî”

Navê yara min Felek e,çavên bikil reşbelek e
Porê qemer bi xelek e, heza wê’l ber dil gelek e

Wê şepala dêmgewherê, rûniştiye’l ber pencerê
îro ji derba xencerê, lazim bi êşan î Mela

Kirye argeh li min sîne, ez Memo me ew jî Zîn e
Ew Leyla û Mecnun kî ne, bila were min bibîne

Weke rojên xwe yên berê, li wê digerî ‘l her derê
Teşbîhê zulfa dîlberê, zanim perîşan î Mela

Te’z girtim evîndar kirim, bi kêran birîndar kirim
Vîn’am girt nevîndar kirim, bi ah û gazîndar kirim

Zanim tu giryan î ji dil,û gewrîdiryan î ji dil
Teşbîhê buryan î ji dil, billeh ne însan î Mela

Li dergê te gêj û şaş im, bi husna te qîr û kaş im
Bi hebûna te ez jî baş im, ji lew li jiyanê aş im

Em şev in tu sehergeh î, em şad in tu kedergeh î
îro li mahê xergeh î, teşbîhê seywan î Mela

Bo gelê xwe tu elzem î, xweşkanî yî tu avzem î
Deryaya qaf û qulzem î, yan çerxê gerden î Mela

Tu tim heqê ehlan didey, tu gulî xwe’l dehlan didey
Hê dil bi naehlan didey, yareb çi nadan î Mela

De ya şairê botanî, ya ber vî dilî dizanî
Bi nezanî û xizanî, min peyva xwe’l cem te danî

19.11.2015
Şîrove

Ka tu şîroveyeke giranbuha li vê helbestê nakî?