A B C D E F G H I J K L M N O P Q R S T U W X Y Z
Mihemed Ronahî - Gornivîs
130 Xwendin
0 Ecibandin
Asoya Helbesta Kurdî

Mihemed Ronahî - Gornivîs

ARTHUR RiMBAUD
Lingê yek li gornê
Lingê din li keştiyeke serxweş

çi mirineke xweş
çi mirineke xweş

BERTOLT BRECHT
Neonaziyan vê rojiyê
Ji bo te mewlûd dan xwendin

Henek lo,henek henek.

CÉSAR VALLEJO
Helbestê şîn girêda li dû te
Bi dolbenda bê morî geriya
Saleke sala wext

Birra
Gava tu birçî çûy wî alî
Berê xwarin dan te an sirûm li te xistin

ELUARD
Paytextê min jî diêşe
Paytextê min jî diêşe

FURûX FERRUHZAD
Helbestên mê dimêjand
Ji pêsîreke xwe
Genimê terr ji pêsîra din

Gava mir
helbest ji şîr hatin birrîn

JOSE MARTi
Belê Jose
belê şoreşgerê mezin

Apê Sam,Apê Ho têkbir

êdî pûroyên xwe
şil dikişînin rêhevalên te

KAVAFiS
Ne warên din
Ne behrên din

îllem ev bajar

NîZAR QABBANî
Binpêkirina zagonan
Bi min jî xweş tê

Ma ne qedexe be
ji çi re ye helbest

PABLO NERUDA
ne rû da
tirsê
ne rû da
jiyanê

rûyê wî tim li helbestê
Şîrove

Ka tu şîroveyeke giranbuha li vê helbestê nakî?