A B C D E F G H I J K L M N O P Q R S T U W X Y Z
Mem Zînistanî - Haîku ji Tenehiya Kaw
116 Xwendin
2 Ecibandin
Asoya Helbesta Kurdî

Mem Zînistanî - Haîku ji Tenehiya Kaw

18. Berê wê l'behrê
Esman sor, porê wê reş
Ro diçe ava

19. Kes ne gazin e
Li dora kaniya sar
Ji tava nîvro

20. Pêşa dêya xwe
Girtiye qîzka porkej
Ser tirba bavo

22. Wêje afirand
Xwe da yalîkî Xwedê
Qelem da Başo

24. Laçika jinikê
Peyama xef l'devê rê
Li çiqlê darê

25. Moriyên pîrkê
Diçûrisin hê, li ber
Gerdena dayê

28. Dengê dêrî hat
Veciniqî dayka min
Payîn e pîrtî

29. Li hewşa malê
Du valahiyên bêwext
Dê û bavê min

33. Sê zarokên min
Her yek gulek e li ser
Gorra bavê min

31. Çiyê serma kir
Qapûtê xwe lê wer kir
Fêrîkê Ûsiv

36. Daralînka har
Hilkişiya paca keçkê
Xweziya min lê

38. Kalê por şutî
Xeyalan diçêrîne
Li seyrangehê

40. Di ber ewran re
Pirpitîn wek nexwaşan
Tîrêjên tavê

46. Pal daye darê
Kilaman dimêjîne
Dengbêjekî kal

48. Çivîk firiya
Ji perwaza paceyê
Fîqa gardiyan

50. Çend sal kuta bûn
Her roj dikevî dilqê
Kêzika Kafka

51. Piştî baranê
Serê kulîlkekê fît
Ji axa tirbê

53. Ber siya darê
Şerê du kalemêran
Bi "Nehbelek"ê

54. Gede dilketî
Eksa neynikê li ser
Rûyê keçikê

57. Dara li bestê
Ewr di ser re diborin
Tenahiya kaw

62. Rojên Şemiyê
Laçika bêmorî l'serê
Gilîdaxê jî

72. Pal daye palê
Lêv li lêva bilûrê
Lorîna çolê

75. Mija vê sibê
Mîna devê 'hûtekî
Çiyê 'hûf dike

77. Bi hukmê tavê
Kumê çiyê revandye
Meha Avrêlê

83. Ewr kiriye kofî
Balexaneya qurre
Keçka bajarî

88. Sûravêlk li jêr
Roj diçe ava li jor
Erd û esman sor

95. J'kolmişkê fît bû
Seriyekî reş î çûk
Mişkê bêminet

111. Li qerexa çêm
Çima dikutkute, hoy!
Dilê te, beqê?

112. Masiyê hêsîr
Hewarî da kî gelo?
Liva axirîn

*Bi destûra helbestvanî ye.
Helbestên din ên Helbestvanî/ê