A B C D E F G H I J K L M N O P Q R S T U W X Y Z
Mem Ronga - Pelê Payîzê
358 Xwendin
2 Ecibandin
Asoya Helbesta Kurdî

Mem Ronga - Pelê Payîzê

govendek destpêdike li bilindahiyê
xwe li ba dike pelekî ji rengê hemû zer û soran
li ber bayê sar î payîze

tenê lerz e ew
li vê berêvara dereng

i jêr dinêre
li axê
li jor
li asîmanê ji ewrên rengerisas tikandî dinêre
ne dest ji darê dibe
ne dikare li hember gaziya axê xwe ragire
werr
dudil dimîne demekê
paşê
xwe ber dide
bi giranî datê xwarê

li jor dinêre careka din
li asîmanê bilind
li pelên mayî

bi keser radimûse axê û
pişta xwe dide bayê hênik
hiltîne serê xwe
diçe
di dil de xembariya refên çivîkên koçer