A B C D E F G H I J K L M N O P Q R S T U W X Y Z
Melayê Cizîrî - Wey Spêde Ji Bircê (Mahi New)
87 Xwendin
0 Ecibandin
Asoya Helbesta Kurdî

Melayê Cizîrî - Wey Spêde Ji Bircê (Mahi New)

Wey spêde j’ Bircê qews ebrû numandin mah-i new
Xweş ji qewsê ebrûyan vê ra kişandin mah-i new

Goşeyên nûnan bi ser badan ji qewsê bêweter
Mislê enguşta Nebî sed ser beyandin mah-i new

Keşşifî bedra temam ehsen ji bala tel`etê
J’ istiwa da gezmeyan çerxê reşandin mah-i new

Wê li wechê afitabê gah-i kifş û gah-i xef
`Arifên ehlê bişaret heyyirandin mah-i new

Mil dizanim dane ber qewsê hilalî goşezer
Lew ji bala goşeyên nûnan livandin mah-i new

Ez dibêjim dê li min dîsa ceger sedpare kin
Wê bi mîzan herdû şîrazî çevandin mah-i new

Daxilê meclis bûyî îşev Nişanî lew ko xef
Cam-i rûhanî li ehlê dil nişandin mah-i new
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê