A B C D E F G H I J K L M N O P Q R S T U W X Y Z
Melayê Cizîrî - Ez Nizanim Sebebê Yarê
439 Xwendin
12 Ecibandin
Asoya Helbesta Kurdî

Melayê Cizîrî - Ez Nizanim Sebebê Yarê

Ez nizanim sebebê yarê çira dûr-i kirîn
şahê şîrîndehenan em ji xwe mehcûr-i kirîn

Mislê goy bê ser û pa bûme li ber derb û şekan
Lew bi çewganê cefaya xwe ji dil hûr-i kirîn

Da me sed camê firaqê ji xweh xa`ib nebûyîn
Ji wisalê qedehek da me û mexmûr-i kirîn

Nûrê çeşmê me ko `alem me bi çeşmên te didî
Bi cemala xwe te wek dîdeê bênûr-i kirîn

Nefesek bê te me naçî ne dijîn bê te demek
Ji te hat emrê humayûn te weh me`mûr-i kirîn

Me dizanî ko tu dê `aqibeti l-emr-i çi kî
Lebê le`lê şekirîn ahi ko mexrûr-i kirîn

zerreyek bûm di hewaya te di wêraneyekê
Mislê rojê bi şu`a`a xwe te meşhûr-i kirîn

Ji ene l-heq bi lebên le`lê xeberdar-i bûyîn
Bi gulaba serê zulfa xwe te Menşûr-i kirîn

Munşerif ma dibûyîn em bi dused car-i Melê
Lê bi wê kesr û idafê vi xwe mecrûr-i kirîn
Helbestên din ên Helbestvanî/ê