A B C D E F G H I J K L M N O P Q R S T U W X Y Z
Melayê Cizîrî - Çîn Çîn Kirin Zulfên Siya
409 Xwendin
1 Ecibandin
Asoya Helbesta Kurdî

Melayê Cizîrî - Çîn Çîn Kirin Zulfên Siya

çîn çîn kirin zulfên siya
Kesketlesa dîba qeba
Êdî nişan nabin xwiya
Têkil kirin lazim şeba

Min dî şeba dayê seher
Madarê bedrê kir du ker
Qews û qezeh jê hate der
Dîsa bi zulfan ra teba

îro ji me l’bedra temam
`Enberfeşan bin sed selam
Ey hudhudê şîrînkelam
Ehlen we-sehlen merheba

Min dilberek wek dur heye
Mehbûbê şîrînsir heye
husn û cemalek pir heye
Belqîssifet mesken Seba

şox û şepala meyperest
Ew zalima hişyar û mest
Vê nameyê xef dê vi dest
Fî teyyiha neşru n-neba

Bêj` ew şirîna surperî
Durdaneya ez muşterî
Kan` `ehd û peymana berî
Bêfayde çûn şubhê heba

Me divê periya dilberê
Lê hê li uslûba berê
Lê kifş bibîte ji pencerê
Bê û biçit teşbîhê ba

Dilber mecala name dî
Nasî ko nîşana me dî
Nûnek muxalif tê nedî
Hel qelbuha nehwî şeba

Neyşekera spî dest û zend
Zanim mecala name xwend
Lêvan tebessum kir ji qend
Maset ke-banin fî ruba

Qaşid bi meqşûda me hat
Ba mujde û emr û berat
Nîşan hinarin hem xelat
şehzadeya gulgûn qeba

îro mecal lê hat û wext
Dîsa ciwan bû min di rext
Ew lami`a dayî ji text
Ma kane berqen xulleba

Selwa rewan zerrînwereq
çîçek Melê dîn sed neseq
Yaqûtuha yehki ş-şefeq
Yehkî `uqûden kewkeba
Şîrove
Pîran
06-08-2020, 07:39:43
dema we baş û bi aramî , xebata we pir pîroz e û mala we ava , haka we bikarîba bi şirove û wateya sade jî bela bikira dê baş ba ! Û bi şermsarî dibêjim ez bawer im peyva ŞEBA şaş e û divê SEBA be
Rênas Xendekî
15-08-2020, 14:15:06
Bo Pîran - Mala te ava, spas.
Azim mergewer iran
20-08-2020, 20:37:59
Zir sipas

Ka tu şîroveyeke giranbuha li vê helbestê nakî?

Helbestên din ên Helbestvanî/ê