A B C D E F G H I J K L M N O P Q R S T U W X Y Z
Melayê Cizîrî - Ahi Ji Destê Wê
979 Xwendin
5 Ecibandin
Asoya Helbesta Kurdî

Melayê Cizîrî - Ahi Ji Destê Wê

Ah-i ji destê wê sirê dil ji meyê hewale kir
Herçi li min kirî Mela cama meya duşale kir

şengê bi naz-i meşşiha misk û zubad-i weşşiha
Rûy ma dibin piyane hêj zêde li min delale kir

çîçek û gul sehergehan nesterenên di xergehan
Têk-i ji misk û mawerê mahê xwinav û jale kir

Dêm-i di bisk û xemriyan ta û lefên di şetriyan
Mane temam-i kesk û sor bedre li dorê hale kir

Dûr-i kirîn ji sinbilan çîçek û bişko û gulan
Dil me ji rengê bilbilan şubhetê dax-i lale kir

Pîrê muxan ji şîşeyê da me sefînekê meyê
şukrê Xwidê ko qulzemek min ji xwe ra qubale kir

Xudrê bi remz û mu`cizê mest-i me dî di dengizê
Hat-i peyaleyek di dest eşkere sed peyale kir

Xunçeleba ji reng gulê dêmê bi sir numa Melê
şubhetê bilbilan seher lew me fixan û nale kir
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê