A B C D E F G H I J K L M N O P Q R S T U W X Y Z
Mehmet Hacioglu - Piştê Tu Çû
89 Xwendin
0 Ecibandin
Asoya Helbesta Kurdî

Mehmet Hacioglu - Piştê Tu Çû

Te mal bar kir bi hewarî
Hêvî bûne qet û parî
Roj li min bûn qîl û tarî
Mam bêşemal piştê tu çû

Dil şewitî şûbhê neftê
Sewta min çû qatê heftê
Xwezî b`hata melkê mewtê
Bistanda rûh piştê tu çû

Yar tu nebî ku ez hêç im
Belengazek devê rêç im
Cixarên dijwar dipêçim
Sar nakim qet piştê tu çû

Pirsa te d`kim ji rêwiya
Ew jî nadin ti hêviya
Dîsa rûdnim wek sêwiya
Hûr hûr digrîm piştê tu çû

Ji hêsiran giya bû şîn
Disoje dil, jê d`herke xwîn
Mebe mijûl xatûna zîn
Mem daye nav piştê tu çû

Mem daye nav ji hesretê
Vema ji mêj û ta`etê
Dê! bîne dawya zûlmatê
Min hal ev e piştê tu çû
Şîrove

Ka tu şîroveyeke giranbuha li vê helbestê nakî?