A B C D E F G H I J K L M N O P Q R S T U W X Y Z
Mehmet Hacioglu - Çekdarê Bi Tenê
119 Xwendin
0 Ecibandin
Asoya Helbesta Kurdî

Mehmet Hacioglu - Çekdarê Bi Tenê

Çekdarek Kurd im bin dara berrî
Bo gelê stuxwar min hilda serî

Hêlîn çêkirye l`zinarê asê
Dêxim dil dijmin peysûr û tirsê

Ez im serê xwe dixwazim qeba
Da zemt kim çeper mil û neqeba

Hingî laşê min bi jen in temar
Nahêlim dûv xwe ti bêhnê gemar

Lo lawê Kurd im ser natewînim
Romê cûreker l`vir nahewînim

Gava radhêlim van kûrê dêla
Şeqşeqî dibin di nava rêla

Pir xwirt û tîk im nakevim rewaş
Naxim li kesî ti derbê qelaş

Dilkê min nerm e j`kînê bêgûman
Dest lê ranakim yê b`xwaze eman

Cihê şêr ketye dest rovî û kund
Lewitîn bi wan ev bajar û gund

Dikim mitala w cixara d`pêçim
Ji derdê hova miryê vê rêç im

Dibînim berçav wargehên xalî
Lê nemane gul bilbil dan alî

Lê şîn bûye tev giyayê gezing
Xulxulîn hêsir kevim ber hezing

Ehd kir vî canî û daye we soz
Nehêle l`hingîv bigere ew moz

Ez berxê kêrê li can borî me
Kurdîstan pîroz, qûrban gori me

22ê Adarê 2016