A B C D E F G H I J K L M N O P Q R S T U W X Y Z
Mehmet Hacioglu - Bedew Selweqamet e
89 Xwendin
0 Ecibandin
Asoya Helbesta Kurdî

Mehmet Hacioglu - Bedew Selweqamet e

Jê tê kirasê çemçem
Dimeşe ew li dev çem
Li ser wecha berdaye
Canê sîmzûlf û berçem

Zûlf li ber bê ta ta ye
Li bin şaşka yekta ye
Karxezala pir bedew
Ji hevalan qeta ye

Bedew selweqamet e
Horiyek bêbabet e
Ew sosina newalan
Xwîn şêrîn ji şerbet e

Kembera zîv li navê
Davê ruyê xwe avê
Çavan dît dil gizgizî
Ar û pêt xist hinavê

Gerden ristê mirarî
Ji kû hat ev diyarî
Zane ew tenê dost be
Li alem bêneyar î
Şîrove

Ka tu şîroveyeke giranbuha li vê helbestê nakî?