A B C D E F G H I J K L M N O P Q R S T U W X Y Z
Macin - Sorgula Xonçe (Kê Yî Tu)
268 Xwendin
0 Ecibandin
Asoya Helbesta Kurdî

Macin - Sorgula Xonçe (Kê Yî Tu)

Sorgula xonçe dehen nazik nîhala kê yî tu
Mehweşa gul pirehen şox û şepala kê yî tu
Gul ruxa sîmen zeqin fikr û xiyala kê yî tu
Ahûya Deşta Xeten mişkên xezala kê yî tu
Nazika sîma semen qenc û delala kê yî tu

Ew çi dêm e ew çi rû ne ew çi zulf e ew çi xal
Ew çi gulbaxê gulan e ew çi husn e bê mîsal
Ew çi ebrû ne çi qews in ew çi "Nûn"in reng hîlal
Ew çi mujgan in çi tîr in ew çi elmas in bi qal
Qatilê xûnrêz û xûnxur pur qîtala kê yî tu

Ew çi badam in siyah in ew çi çav in xemzerîz
Ew çi rîhanên di şeng in ew çi zulf in mişkebîz
Ew çi Hindû ne siyah dil ew çi xal in fitne xîz
Ew çi lêv in ruhî perwer ew çi `unab in ezîz
Leb xemûş î badenûş î laûbala kê yî tu

Ew çi bejn e ew çi qamet ew çi qedd e dil ruba
Ew çi exbar in te can de ew çi durr in pur buha
Ew çi narinc û turunç in ew çi sêv in sîneca
Ew çi mehtab in binagûş ew çi subh e nûrfeza
Rohniya şama firaqê şem` û mala kê yî tu

Hûr û eyn î xemrevîn î dil têşîn î dil firîb
Bê qusûr î hem çi hûrî nûra Tûr î pur `ecîb
`îşwesaz î serfiraz î dilnewaz î dilşekîb
şahlewend î leb ji qend î çeşmî bend î pur xerîb
Sînesoj î dilfiroj î meh cemala kê yî tu

Ew çi `ac e rengzucac e ew çi nûrîn gerden e
Ew çi durca le`lî kûn e can rewan tê mesken e
Ew çi destên rengxenayî riştina xûna min e
şubhê te mehbûb û xûb ma qed di dunyayê hene
Cebhe roj î qelbî soj î qed şemala kê yî tu

Ew çi dulbend in muselsel ew çi zincîr in kezî
Ew çi mehyûş in çi ala kesk û sor û qurmizî
Netrik û îlan û şitrî tek li dêmê tewwuzî
Dê bimeş carek tu serwa min were seyra rezî
Da bi qurbana te bit Macin xezala kê yî tu

*Ji keşkûla Abdulreqîb Yûsuf - Şaîrên Klasîk ên Kurd, Ji Weşanên Jîna Nû.
Şîrove
Julie Hedda
31-07-2023, 20:19:48
Reputable Cryptocurrency Recovery expert// CaptainWeb Genesis.

Most frequently asked question by investors after losing Bitcoins to fraudsters, is how possible is it to recover the lost Funds. I happened to become a scam victim last summer. I became interested in Cryptocurrency trading last summer and decided to trade $525,000 worth of crypto through an online software company which promised huge returns. Everything went wrong after they transferred all my funds from my coin base wallet to an unknown wallet address. I immediately had a search out on a reliable option to recover the funds back. I came across CAPTAINWEB GENESIS, a specialized Expert in Cryptocurrency Recovery services. I must say I have good fortune, all my lost funds have been recovered back all thanks to CAPTAINWEB GENESIS. To any victim who has lost Crypto to fraudsters learn more on restoring back your funds Visit Web https://captainwebgenesis.com/

CONTACT INFO;
WhatsApp +1 (447) 442-0456.
Email ;Captainwebgenesis@hackermail.com

Ka tu şîroveyeke giranbuha li vê helbestê nakî?

Helbestên din ên Helbestvanî/ê