M. Zahir Ertekin - Pênûs û Zanîn

Pênûsa min badê hewa bi salan e dilêrîne
Ditirsîne û dişkîne ji kul û xeman dilorîne

Bi şev û roj bi kelecan reşa li spîyê datîne
Wuhareng her roj min bi valî û walî dibû tîne

Êş im ez keder im ez te’z kuştim bes bisotîne
Heta kudê di deste xwo tuyê min her bigevzîne

Bes ke qêrîn li te nayê reş û tarîyan veşêrîne
Biguherîne nalînan de ka carek ji min re tu bibişrîne

Me ne bes e li dinyayê ji hesretê hey nalîne
Serê xwo rake ji xewên tarî û carek êşan bikewîne

Di beroşa xwo tenê carek îd û erfatan bikelîne
Bibe Xizir bibe Îlyas bibe ‘Îsa û bes binalîne

Bele pênûsê baş diramim ku em paş de mayîne
Welê zanim di vê rê de derdê me hew nezanîn e