A B C D E F G H I J K L M N O P Q R S T U W X Y Z
M. Zahir Ertekin - Bê Nale
97 Xwendin
0 Ecibandin
Asoya Helbesta Kurdî

M. Zahir Ertekin - Bê Nale

Êdî bê nale û sewt im, dilbirîn im dilgirîn
Hatime ber deryê te, lew dibêm ez im hezîn

Koçîya min a dinyayê, li minê kirye kirasek
Hatina min a ‘uqbayê, dibêje min her yeqîn

Luqman û hatifên sir pir, napirsin carek ze’îfî
Di behra ‘işqeya kûr de, li nik min nabin seyîn

Kar û barê işqê kor e, derderûn û hizn û şîn e
Lebbeykeya dilê dildar, hatina min bû revîn

Lefzê dinya li min sor bû, gul û reyhanên di pir
Çavxezal û çîmenên mor, roj bi roj min kirne dîn

Lew ji efxan hate xwarê, rûhîyê sewdeya kesk
Min ne fêhm e ne jî fem e, bes girim şîretên dîn

Ah û nalên vî şa’irî, çûne nig Şemseyê Aqtep
Hûriyy û xilman hemî, hatine cem şemsê dîn

Direvim ji zirav bendan, heyûla daye dû min
Vexwarê ava heyatê, ji çavên min key vebîn

Ax di vê mahê zivistan, agirê tenûre dil
Daye ber berojkê tavê, ‘enîya min a xemîn

Lu’lu û mercan û koçî, dibitin hevrahê min
Lingê min qut bû ji yarê, nema tên awaz hemîn
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê