A B C D E F G H I J K L M N O P Q R S T U W X Y Z
Lal Laleş - Kelmuzon
76 Xwendin
0 Ecibandin
Asoya Helbesta Kurdî

Lal Laleş - Kelmuzon

Kulmeke ax ji çavên vekirî re welat
Guleke azad ji dilên girtî re mifte
Ne zêde ye ne zêde... Hedla
Ka qedera gêrgêrîkê, girêza devê pilo
Qe nebû xewlebûna xwe
Beriya tu dûrtir bikevî ji min re bike qûç
Li awêneyên çola nepen
Rewrewk bi pehîna bi kela sozan dikeve
Dara xurmê nabe talde
Ji xeyalên berdûşê hundirê zulma min re.

Taseke şerbet j i dil birijîne dilê bikul
Sî bi şeytanoka re diqîre, find tund dibişire ji dil
Digeşe, dicoşe, dişewite kêlî
Dikumuşe bedena kirasên keskesor
Rêşiyên hermelên hudûdên xesteyar
Binkirasê xilmaşîbûyînê
Bi kund re difirin
Rex bêyomiya bikelmuzon, nava nifirên rom
Buxur, şûr û kûrekûr
Wext, serwext û kom û kuflet
Hêsîr dikeve destê derfetên dûnde
Ez şerûd im çiyayên xwe vedidizim ji mehkumtiya te
Tu li mehkemeyên şeydayan
Dîltiya axê mehkumî mirinê dikî
Şîrove

Ka tu şîroveyeke giranbuha li vê helbestê nakî?