A B C D E F G H I J K L M N O P Q R S T U W X Y Z
Konê Reş - Rêwiyo!
91 Xwendin
0 Ecibandin
Asoya Helbesta Kurdî

Konê Reş - Rêwiyo!

Rêwiyo !
Kes weke min
Sikak û kolanên
Bajarê min nasnake.
Ez dizanim;
Kîjan meyxane li kûye
Kîjan çayxane li kûye û
Kîjan bazarxane li kûye
Tariye
Tariyê bi ronahiyê
Naguherînim
Ez kiryarê ronahiyê me
? ? ?
Raweste rêwiyo
Ev bajarê mine
Tu weke min, bajarê min
Nasnakî
Ev ne cirîda teye
Ev cirîda mine
Ez ji te bêtir
Bajarê xwe nasdikim
Welatiyên xwe nasdikim û
Dizanim ji kîjan malê
çend derbiderî
Li bajarên dinyayê
Kardikin
Kolanan dimalin
Solan boyax dikin û
Avaniya avadikin…
Tu weke min
Ciwan,şivan û Hozan
Nasnakî
Ewên ku
çixareyan di kolanan de
Difroşin
Ez û wan ji taxekê ne..
Tu weke min
Hemo, Hiso û Elo
Nasnakî
Ewên ku
Bilêtên bext û şensî
Difroşin
Ew, kurmam û kurxalên min in
Erê rêwiyo, tu weke min
Bajarê min nasnakî û
Tu weke min
Welatiyên min jî
Nasnakî.

*Kovara Nûdem, hj: 33/2000, Stokholm, Swêd
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê