A B C D E F G H I J K L M N O P Q R S T U W X Y Z
Konê Reş - Ez û Kenê Heyv û Stêran
116 Xwendin
0 Ecibandin
Asoya Helbesta Kurdî

Konê Reş - Ez û Kenê Heyv û Stêran

Di nav nivînan de
Di pirsên polîsan de
Ponijîm û kûr çûm…
Di pêkanîna dirav û
Perwerdekirina zarokên xwe de
Mijûl bûm û
Pêre, pêre
Kul û xeman
Dan ser pişta min û
Xew ji çavên min
Dizîn.
Min çixareyek vêxist
Bi kişandina çend mizên wêre
Dîkekî li vî alî,
Melakî li wî alî
Bangdan
Giregira otomobîlekê jî
Di kolanê de dihat
Derbas dibû …
Piştî ku min li dor xwe
Meyzekir
çavên min
Ber bi asman ve
çûn
Min dît ku
çawa heyv û stêr
Bi hev re dikenin û
Haj û bajê wan
Ji min nîne.

Rojnameya `Peyman, Edeb û huner`, hj 25/1999, Duhok.
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê