A B C D E F G H I J K L M N O P Q R S T U W X Y Z
Konê Reş - Darê Beriwa
94 Xwendin
0 Ecibandin
Asoya Helbesta Kurdî

Konê Reş - Darê Beriwa

Darê beriwa!
nizanim çilo ta niha
tu berz û payebilind
bê şerm fedî
li ser çiyayên min
rawestyayî?!
çawa tu dihêlî
çûk û çivîk
li ser çaxik û di nav pelên te de
stranan bibêjin û
govendan bigerînin?!
Ma tu ji xaka ku
tu ji ser şîn hatiye
şerm û fedî nakî?!
xaka ku mirovên wê
di nav kovan û birînan de
mane pêçayî!
Dara beriwan!
xwe bitewîne
rêzgirtin ji xelkên wêre
durist e.
xwe xûz bike
beşdarî bi welatiyên wê re
pêwîst e.
da ku çûk û çivîk jî
bi welatiyên wê xakê re
sirûdên şîniyê bibêjin
erê sirûdên şîniyê
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê