A B C D E F G H I J K L M N O P Q R S T U W X Y Z
Kemal Necîm - Destnivîs
154 Xwendin
1 Ecibandin
Asoya Helbesta Kurdî

Kemal Necîm - Destnivîs

1
Li şûna pêşgotinê

Dereng bû
çaxê tu li kuştina xwe muqir hatî
û ez jî li
newêrekiya
xwe.....
....................

2
(............)

Tê dîsa bê
Mîna cara pêşîn
Bi tana tariyê
çaxê ku deriyên fediyê
Xilmaşin
û deriyên min yên xewsivik
Pişta xwe dane dîwaran
......
Tê dîsa bê
û ezê
mîna cara pêşîn
bi tana tariyê
carekê bi bawişkîna
pêpelûkên di bin lingên te
yên xwas de
carekê bi bêhna tariya
ji porên te dibarî
ji xew..
nê....
hilçenim.....

3
Zembîlfiroş

şevên havînê xewsivikin
janên poşmaniyê
Mîna hilma tariyê
Mîna xwîna kuştiyekî tîrin
Tîrên dilbijokiya te
mîna pezkoviyekî çiyayî
kujdarin
Xatûn
şevên havînê xewsivikin
……….

4
Xatûn

Tenahî şikefta peyambera ye.
Tenahî şevbuhêrka helbestvana ye.
Ne ew be jî
meyxaneya şeyda û evîndara ye.
Tenahiya min perestgeha gunehkara ye.
Lê tenahiya te
paytexta newêreka ye...
Zembîlfiroş
Tenahiya
te
paytexta
newêreka
ye......