A B C D E F G H I J K L M N O P Q R S T U W X Y Z
Kawa Nemir - Hêwirîn
288 Xwendin
0 Ecibandin
Asoya Helbesta Kurdî

Kawa Nemir - Hêwirîn

va ye em hatin dûrî bajêr hêwirîn,
em ê çend salekan li vir bimînin bi qewlê kevirên reş,
li binîya pozê gêlî û çîyê, di nava mêş û mozên dirinde de,
em ê nebînin hingura ku pênc hezar sal e sîqal dike
birc û bedenan, wextekê em ê nebînin ziman çawa zingezinga
xwe di nava kolan û alûleyan de vedişêre.

li wir, di nava avzêma keser û kovana Rohilat de,
serêşîya me ya nezanîya navên kulîlk û gîhayan
dena xwe da zimanê ku li ber neonan dîn dibe.
va ye lewma em hatin dûrî bajêr hêwirîn,
em ê çend salekan, li ber sîya daregûzekê bimînin.

17 Nîsan 2001
Çavkanî: Nûdem, hj: 38, r: 39, 2001
Şîrove

Ka tu şîroveyeke giranbuha li vê helbestê nakî?