A B C D E F G H I J K L M N O P Q R S T U W X Y Z
Kamiran Alî Bedirxan - Yekbûn û Yekîtiya Kurdî
498 Xwendin
1 Ecibandin
Asoya Helbesta Kurdî

Kamiran Alî Bedirxan - Yekbûn û Yekîtiya Kurdî

Ew Lor û Bextiyarî Baban
Kurdmanc û Hevreman û Zazan

Kurdên ji welatê Rom û Sorî
Kurdên Ecem û Iraq û Sûrî

Kurdên ji welatê jor û jêrîn
Serçav bilind û zexm û nêrîn

Kurdên ji Blûc û Kurdên Efgan
D`hêvî de yek in û yek di raman

Yekbext in hemû, ne bextiyar in
Ser erd û dinê, liyan û jar in

Zerdeşt bû melayê kevnê kurda
Qanon bû çiraya Zendavesta

Ew feisefeya qadîm û pir nûr
Zendî, zimanê kevn û meşhûr

Zerdeşt û çiraya zîvê Zerdeşt
Ruhnî ew e, ser çiyan û ser deşt

Her kat ji kitêba Zendavesta
Pêtek bû li dil, gurî di desta

Ristem ji me ye û şah Nadir
Siltan Selahadînê denggîr

Xanî û Melayê Batê, Teyran
Gî kurd in hemû, ji xwîna kurdan

Nabî ji me ye û şêx Ehmed
Hîmê me ye Zend û devvieta Med

Agrî, Sîne, Wan û Mûş û Zîlan
Kanî ne, ji wan vejîne xortan

Sinî, Elewî û Eyzedî çî?
Em bûne xulam û mane birçî!

Kurd in ne cuda ji dar û xa ne
Bin destê Xwedê û yek Xwedan e

Kurd in hemû em, ji yek nijad in
Tev dad û kerem û pak nihad m

Bextên me yek in, ne sê ne çar in
Em Kurd in û tev bira û yar in

Agrî, Sîne, Wan û Mûş û Zîlan
Kanî ne ji wan vejîne xortan

Sinî, Elewî û Eyzedî çi?
Em bûne xulam û mane birçî!

Bêriid, 23 Guian 1929
Hawar, hejmar 4

3 Tîrmeh 1932
Şîrove
Qendîl
27-03-2022, 15:44:53
1.Di latînîze kirinê de hin serastkirin pêwîst in.
2.Hezar rehmet li giyanê seydayê Kamuran Bedirxan. Seydayê dilsoj zor baş êşa Kurdan nas kiriye û lew hawara yekbûyinê dike û ji me re dibêje: em zor kevnar û bi esalet in, zor mezin û navdar in, evne hemû têra ji xwe bawerî û yekbûyineke kûr û mayinde dike û ka werin em ê bibin yek, bibin hêz, bibin serdest.
Mixabin piştî 90 salan, hê vîna wî dacih nebûye û em hê di xwe biçûk dîtina xwe de gîr mane.

Ka tu şîroveyeke giranbuha li vê helbestê nakî?