A B C D E F G H I J K L M N O P Q R S T U W X Y Z
Kamiran Alî Bedirxan - Strana Çiyayekî
242 Xwendin
0 Ecibandin
Asoya Helbesta Kurdî

Kamiran Alî Bedirxan - Strana Çiyayekî

Hişê min aza ye, dilê min bê bend
Minet min navê qet min nedît merbend

Bagir, bandev û berf, çiya, kaş, pal, zinar
Ew heval û hogir in, bi min dost û yar

Wek rûhiyê aza me, wek reng û deng
Min minet nexwest, lora ez mam dereng

Qertel û baz hem, li ser berf û çiya
Stêr kulîlkên min in bi mêrg û giya

Xwedê rastî ye ho... Heqê min Xwedê
Heqê min delal e wek bav, bira û dê

Bagir, bandev û berf, çiya, kaş, pal, zinar
Ew heval û hogir in, bi min dost û yar .

Hawar, hejmar 16, 15 Sibat 1933
Şîrove

Ka tu şîroveyeke giranbuha li vê helbestê nakî?