A B C D E F G H I J K L M N O P Q R S T U W X Y Z
Kamiran Alî Bedirxan - Roja Nû
286 Xwendin
1 Ecibandin
Asoya Helbesta Kurdî

Kamiran Alî Bedirxan - Roja Nû

Kî qasî me dilhişk e û dilnerim
Kî qasî me sar e weke me gerim

Mal, mendal, bûk, zaro, jin nema kes
Bawerî, tol, kîn û şor mane, bes

Xwe dîl nexwest, hêsin afirand
Destê me bi xincer û şûr şidand

şerê me sor e, destê me pola
Dost re gorî ne, dijmin re bela

Tirsa me ji Xwedê ye, hew... camêr
Zinar û çiyayên me jî xort û nêr

Rabe, bi kuje, bi mi re, felat...
Êdî dibînim, di kene welat

Tiştinin mezin çêbûn, dê çê bibin
Di bînim destpêdeke, rojke din

Roja nû bû dinyaya Kurdistan
Rengîn bû ezman û rengîn cihan

şerê me sore, destê me pola
Dost re gorî ne, dijmin re bela

Hawar, hejmar 18, 27 Adar 1933
Şîrove

Ka tu şîroveyeke giranbuha li vê helbestê nakî?