A B C D E F G H I J K L M N O P Q R S T U W X Y Z
Kamiran Alî Bedirxan - Gulê
1691 Xwendin
8 Ecibandin
Asoya Helbesta Kurdî

Kamiran Alî Bedirxan - Gulê

Ne tîr û ne xencer bû
Ne mar û ne ejder bû
Bihna Gulê ez kuştim
Ne şûr û ne şeşder bû

Ne kanî ne robar e
Dinê êvar û sar e
Rûyê Gulê ez kuştim
Erd evraz e û xwar e

Dinê bêdeng û zer bû
û tirba min li der bû
çavên Gulê ez kuştim
Ne êriş bû ne şer bû

çiya berf û dûman e
Gul û sosin ne mane
RengêGulê ez kuştim
Yê dimire beran e

Gulê bêdil û bêcan
Gulê hakim û sultan
Sînga Gulê ez kuştim
Gulê rovî û şeytan

Gulê bêdeng û bênaz
Gulê bêkîr û awaz
Dengê Gulê ez kuştim
Gulê govend Gulê saz.

Hawar, hejmar 13, 14 çileyê Berê 1932