A B C D E F G H I J K L M N O P Q R S T U W X Y Z
Kalê Qurdîsî - Navê Te
236 Xwendin
0 Ecibandin
Asoya Helbesta Kurdî

Kalê Qurdîsî - Navê Te

Dev û lêvên min şewitîn
Hingî min gotî navê te
Cerg û hinav tev peritîn
Ji gotina şêrîn navê te.

Evîna te pir girane,
Bûye pizka ser zimana
hesreta kal û ciwana
Nikarim bêjim navê te.

Jîr û zana evîndar bûn
Gernas û xort û ciwan bûn
Ew jî wek min vê rê de çûn
Ji bo wê şêrîn navê te

Zozanê te tev gulîstan
çem û kanî gûl û rihan
Tu yî cineta li cîhan
Xweş û şêrîne navê te.