A B C D E F G H I J K L M N O P Q R S T U W X Y Z
Jan Dost - De Were
1092 Xwendin
1 Ecibandin
Asoya Helbesta Kurdî

Jan Dost - De Were

Dûriya te zor e dilber Jan perîşan e were
Li birînên ku li dil bişkiftine xweş binere

Nexweş e ew jar û bêhal e tu nojdar î delal
Dilbirîndar e û derman ji te ew sîng û ber e

Ka bibînim lêv li ser lêvan dinoşim şerbetê
Sînga te zadê gihiştî destê min das e l`ser e

Em bibin laşek heta destê sibê şa bin bi hev
Ax û nalînên ji me ta erş û ezmanan here

Gerdena tey nazik û lûs bîn bikim serxweş bibim
Har bibim ez, dev li qirkê, dest li newqê bigere

Memikên te bi gezên nazik û nerm rakim ji xew
Dakevim jêr li bihiştê bigerim ez eşkere

Ez bibêm yarê xuyaye serxweş im, ez pêde çûm?
Tu bibêjî serxweşê min pirs nekew pêde here

*Bi destûra helbestvanî ye. (Ji ber dengê wî)