A B C D E F G H I J K L M N O P Q R S T U W X Y Z
Îlhamî Ozer - Pêdiviya Tazî
238 Xwendin
3 Ecibandin
Asoya Helbesta Kurdî

Îlhamî Ozer - Pêdiviya Tazî

Bila tu kes xwe nexapîne
Ji şîrê derew
çi mast çê dibe, çi dew
Sedemên vê yekê sisê ne
Meşka rûreş, haveyna xerab, ava bê xwê

Bila tu kes xwe nexapîne
Ji sewalên nekedî
çi rêz tê hêvîkirin, çi fedî
Hevalên vê xeletiyê jî sisê ne
Bêşîr, bêxwîn, bêxwedî
Bila tu kes xwe nexapîne
Bi lingê xasî
çi rêwitî dibe, çi mêrxasî
Adana vê gotinê jî sisê ne
Hevirê tirş, arvanê xilt, nanê tisî

Bila tu kes xwe nexapîne
Ji axa bêpakrewan
çi dara azadiyê diafire, çi kulilkê bi guhan
Dijberê vê yekê ji sisê ne
Kimê, miratxwir, mijokvan
Ji peymanên nedadî
çi aramî bi dest dikeve, çi azadî
Bila tu kes xwe nexapîne
Kiryarên vê yekê jî sisê ne
Tirk, Ecem û Erebên bêfedî