Îlhamî Ozer - Agirbanû

îşev heta sibê
Li ser welatê Ariyan
Ji esmanan
Nameyên berfê dibariyan

Devdevî sibê
Agirê adarê
Mîna bûka biharê
Xwe xemiland
û berê xwe da
Ber bi qada pakrewanên
Bi nav û deng û bi huner û çand

Karker û girtî
Zar û zêçên birçî û tî
Daristan û gundên şewitî
û hemû penaber û koçberên qewitî
Di asoyê de qor bûn
Bi ramûsanên şêrîn û çepikên gir
Ketin şopa bûka baranê
Herikîn serbajarê êgir

Bûka biharê
Roja bîst û yekê adarê
Ligel temaşevan û guhdarê xwe
Derket hizûra paqrewanan

Wan jî wiha got:
-Bûka biharê
Ji vê êvarê şûn de
Bila navê te yê nu
Bibe Agirbanû