A B C D E F G H I J K L M N O P Q R S T U W X Y Z
I. Bêrîvan Celalî - Bedewê û Nêçîrvanê
20 Xwendin
0 Ecibandin
Asoya Helbesta Kurdî

I. Bêrîvan Celalî - Bedewê û Nêçîrvanê

"Bedewiya ûşt û armanca her tiştî ye!"
Elisabeth a Awustirî


Xwedayo,
Xweşxwaz li hewşa xwezayê çi xweş in,
Xweşbêhna binefşa xapiyayî,
wekî planorê,
dilxwestin di bilindahiyên hewayî de difirînin,
xeyalan digihîne nav nefelên çarpelî,

bi rûyê nûrdar a diranfîlrengî
wekî ximşe xezalan

xwe bi çek dike,
amade dibe,
li xwe dike
dawênê bitentenê kûrîşkî
nîşana meyatiyê ye,
kembera zerînî li navtengê
lê tê!

şadûman
xweşhalan e
xwe ba dide
waqwirman
dibe
way çi delal e
wekî hîva çilwilî
li aweneyê şiklê sihêr periyê
wûçan digire
her du yaqûtan
wehşiyane dibriqin
zibayê çav bedewê
letîf û naz
ji textê dilberiyê tê,
rêbera dînê evînê,
dikeve cengê,
dibe

neçîrvana dilan

*Bi destûra helbestvanê ye.
Şîrove

Ka tu şîroveyeke giranbuha li vê helbestê nakî?