A B C D E F G H I J K L M N O P Q R S T U W X Y Z
Husein Muhammed - Xwedê Bi Hesûdî Li Te Dinerî
75 Xwendin
0 Ecibandin
Asoya Helbesta Kurdî

Husein Muhammed - Xwedê Bi Hesûdî Li Te Dinerî

Pêşî
Xwedê bi hesûdî li te dinerî
li bedewiya te
li çavên te

û Xwedê xwest
bi bedewiyê
rikeberiyê li gel te bike:
çem û çiya,
derya û daristan afirandin

lê bedewiya kaniyan
tenê awêneyên bedewiya te bûn
candar liv û lebatên xwe
ji bejnûbala te fêr bûn
gulên mêrg û çîmenan
bêna xwe ji te wergirtin
û deşt û zozanan
dirûvên xwe li ber wêneyê te
nîgar kirin
lewre Xwedê di rikeberiyê de xusirî
û daket ser lêvên te.

Tama Xwedê
ji lêvên te seh dikim
Şîrove

Ka tu şîroveyeke giranbuha li vê helbestê nakî?