A B C D E F G H I J K L M N O P Q R S T U W X Y Z
Husein Muhammed - Carekê Behsa Evînê
75 Xwendin
0 Ecibandin
Asoya Helbesta Kurdî

Husein Muhammed - Carekê Behsa Evînê

Carekê
li vê jiyanê yan di xewnê
min basa evînê dikir.

Tên bîra min ew helbest
yên tê de yekî basa evînê dikir
- min yan kesek din -
û bawer dikir, bi xwe dida bawerkirin
ku evîn xwişka bedewiyê ye
û evîndar bi maçan dijîn.

Min nedizanî,
yan kesek din nedizanî,
ku evîn jan e,
giyanê dihelîne
daku duyan bike yek.

Pelatînk
xwe diavêje nav agirî
û dişewite
daku bi xwe jî bibe agir.

Maç kesî ji mirinê ranake
lê dikuje.
Şîrove

Ka tu şîroveyeke giranbuha li vê helbestê nakî?