A B C D E F G H I J K L M N O P Q R S T U W X Y Z
Hamid Omerî - Saw
127 Xwendin
1 Ecibandin
Asoya Helbesta Kurdî

Hamid Omerî - Saw

nas bûn yên ku baştirîn dihatin bîra me
ji xêra şevê bû bi kirasên nû vegera ji rojê
piştî esrek teng nihêrtina li welêt danê êvaran
bi kevçiyek dar bi heskek şewitî

ken bi para me jî diket
lê nedişibiya kenê ji nişka ve yê bi hîqehîq

nas bûn yên ku baştirîn dihatin bîra me
ji xêra hibrê bû sûtaliya me
wek wê bişirîna ji tiştên ne tişt
dikeritandin hestiyê me
ji navê me diçû belê ji pişta me
poşmaniya bavên me nedibû nisîbê me

nas bûn wek wê mirina zû ya ku di wextê xwe de hîç nebû
seba wê sikrata berdestê sibê
em ne xerîb bûn tev de nas bûn
baştirîn dihatin bîra me

em dibişirîn melek dikeniya
la îlahe îllellah

*Bi destûra helbestvanî ye.
Şîrove

Ka tu şîroveyeke giranbuha li vê helbestê nakî?