A B C D E F G H I J K L M N O P Q R S T U W X Y Z
Fêrîkê Ûsiv - Qazê
185 Xwendin
0 Ecibandin
Asoya Helbesta Kurdî

Fêrîkê Ûsiv - Qazê

Bedewê, rindê, qîza kurd Qazê,
Dev û lêvê te gulê şîrazê:
Hîva çardeşev-eniya te kever,
Gaz-gerdenê te mînanî mermer:

Biruyê te mîna baskê reşêla,
çevêd te gendî çevêd xezala:
Sûrtêd te sorîn-hevêd hinarê,
Bejn û bala te dara çînarê:

Xeberdana te şekirê nevate,
Ramûsana te avliheyate:
Bedewê, rindê, qîza kurd Qazê,
Tu gulek gula vê Elegezê.