Fêrîkê Ûsiv - Êvara Adarê

Êvara adarê
Qarxûn tê xarê
û dike xuşîn...
Hewa çîk saye,
Steyrika penc daye
Li ser rûyê ezmîn...

Li jor tê xanê
Steyrika mêzînê
û rêça kadiz.
Li ser milê çiya -
Belekiyê berfa
û hewatemiz...

û ji dûrecî
Rûviyê qolincî
Dike waqînî...
Têjikuleka
Dengê çêleka
û golikê virnî...

û li ser darê
Pûpiyê biharê
Distirê-tû, tî...
Selam te tebyet,
Selam te tebyet,
Cineta rastî...
***
Agir barî mêrg-beyare,
Bûn kerkong û rijik:
Bilbil baxê min ne yare,
Li dewsê ma qijik. . .

çi bêhedin gunê xelqê:
Yara mine ziyaret,
Dewsa nemerd bike delkê,
Min dide cizaret:

Nade dest min soz û gilî:
Dilkê minda-eman,
Baxçê minî gulî-milî
Dibe toz û dûxan. . .

Ezê herim-ziyaretvanimBer
bi ezîz yarê,
Wele, wêra ez qurbanimLi
dest-piya bêm xarê.

Bera mîna berxa qurban
Ber şerjê bim yekcar,
Tek rema wê bive baran
Xûna minra bê xar.