A B C D E F G H I J K L M N O P Q R S T U W X Y Z
Fêrîkê Ûsiv - Dewata Tebyetê
323 Xwendin
0 Ecibandin
Asoya Helbesta Kurdî

Fêrîkê Ûsiv - Dewata Tebyetê

Mîna rûviyê dewatê,
Ba hat cab da tebyetê,
Bax hejya got "bimbarek",
Erdê xwe dît tivdarek:

...û her tişt bû tundurist,
Ewira def û zurnê xist,
Birûsk mînanî siyara
Pekya ber bi beyara.
Dûman bûkê bû xêlî
û dakete ser gêlî,
Hingê erdê û ezman
Hatin û hev ramûsan.
Ji şabûna ro derket,
Keskesorê girt govend,
Teyr-teyreda li vira
şabûna dil istira...

Pey dewata pirr giran,
Li her zozan û aran
Meh derbaz bûn, roj serda -
Erd xemilî û ber da.