A B C D E F G H I J K L M N O P Q R S T U W X Y Z
Feratê Dengizî - Zeriya Bêbext
79 Xwendin
0 Ecibandin
Asoya Helbesta Kurdî

Feratê Dengizî - Zeriya Bêbext

Herê por zerê wey zeriyê
Te gur berda nav keriyê
Mam ker û lal li ber deriyê
Li ku bibînim wê eniyê

Ew eniya zerîşeveq
ûryan gotê rind î tu heq
Ew bingeha hiş Enel-Heq
Naqede bo te ev teqereq

Teqereqa bi hezar salan
Hiş û dilê'm timî talan
şûr winda ye maye kalan
Wa Siyabendê darxelatan

Sêdarxelatên azadiyê
Tu xêlya yî ku min nediyê
çavên dilê'm tu hebiyê
De êdî were xêrnediyê

Xêrnediya li vî xakî
Dîn jî bibim tu welatî
Heta jiya daîm baqî
Nadim gurên zirziqaqî

Tehta guran şematok e
Bejnûbalê bi indeko ke
Darka zavê xelîlok e
De bêbextê, navkî lêke

Navê zerê azadî ye
Gulîzera Kardoxî ye
îro l'Qandîl nexişiye
Serxwebûna daîmî ye

Daîm hebî zerya dilan
Bi berbangê çav bi kilan
Li derî xe bê ez filan
Ferat berde hişaqilan

Aqil diçe evîn rast e
Berdêla wê her darbest e
Hezar spaz boy wê best e
Keda dilê'm jê'r heqdest e

15.09.2012-Amed
Şîrove

Ka tu şîroveyeke giranbuha li vê helbestê nakî?