A B C D E F G H I J K L M N O P Q R S T U W X Y Z
Feqiyê Teyran - Îro Ji Destê Dilberê
1221 Xwendin
7 Ecibandin
Asoya Helbesta Kurdî

Feqiyê Teyran - Îro Ji Destê Dilberê

Îro ji destê dilberê
Pur bûn li min fikr û xiyal
Bedĥal kirim dêm-enwerê
Weqta ku min dî ew ġezal

Weqta ku min dî ew leṭîf
Qamet ji reyĥana xefîf
Min dî di falê da elîf
Têtin ji min ṣed nalenal

Têtin ji min ṣed ah û zar
J’ bo qameta şibhê çinar
Min bê wê qeṭ nîne qerar
Daʾim ji bejna wê qerar

Bejna leṭîfa enwer e
Qamet bi miŝlê ʿerʿer e
Mişkatê nûra ekber e
Jê tê bixûra ẕu’l-Celal

Jê tê bixûra weĥdetê
Selwa-bilinda qametê
Ṣadir ji ṣenʿa qudretê
Ĥeyf kû beʿîd bûn çavġezal

Ev çavġezala çavxumar
Reşmar ji burcan hate xwar
Kafir kirim ez bê şimar
Dêm-xawerê ebrû-hilal

Ebrû-hilala çavbelek
Nîne bi şubhê wê melek
Lê dîn dibûn ʿaşiq gelek
Xala ĥebîba pur-ĥemal

Xala cemala dêm-binûr
ʿEqlim kirî sewda ji dûr
Naʾê ji destê min ĥiżûr
ʿEceb-leṭîf e ew delal

ʿEceb-leṭîf e cindi ye
B’ ezman-nizafet Kurdî ye
Ageh ji ʿuşşaqan niye
Mest im ji xemra la-yezal

Mest im ji xemra mahitab
Ciwan-leṭîfa nûşebab
Pur kir li min cewr û ʿitab
Reşmar li bircan bûne dal

Reşmar li bircan êwirîn
Nilbil di baġan ġilġilîn
Kafir li ĥalê min girîn
Qelbim kirî ṣed nalenal

Qelbim kirî ṣed ah û wah
Min qeṭ nedî zewq û ṣefa
Zêde li min cewr û cefa
Perwane yim ez bê mecal

*Çavkanî: M. Zana Karak, "Helbesteke Nûpeyda ya Feqîyê Teyran" Nûbihar Akademî, Cild 4, Jimar 15, Sal 8, 2021, rr: 114-115
Şîrove
Mîr Hesenî
09-10-2021, 13:57:54
Bi rêz û hurmet...
Leyla
30-01-2022, 19:41:05
Helbest bê qusure lê bawerim di nivîse de hin cîh şaş hatine nivîsîn. Sipas
Aştİ
08-02-2022, 00:34:43
Îro ji destê dilberê
Pir bûn li min fikr û xiyal
Bedĥal kirim dêm-enwerê
Weqta ku min dî ew Xezal

Weqta ku min dî ew leṭîf

Hîvîdarim Nivîs rast hatibe nivîsîn...
Qamet ji reyĥana xefîf
Min dî di falê da elîf
Têtin ji min ṣed nalenal

Têtin ji min ṣed ah û zar
J’ bo qameta Şibhê çinar
Min bê wê qeṭ nîne qerar
Daʾim ji bejna wê qerar

Bejna leṭîfa enwer e
Qamet bi miŝlê ʿerʿer e
Mişkatê nûra ekber e
Jê tê bixûra ẕu’l-Celal

Jê tê bixûra weĥdetê
Selwa-bilinda qametê
Ṣadir ji ṣenʿa qudretê
Ĥeyf kû beʿîd bûn çavxezal

Ev çavxezala çavxumar
Reşmar ji burcan hate xwar
Kafir kirim ez bê şimar
Dêm-xawerê ebrû-hilal

Ebrû-hilala çavbelek
Nîne bi Şubhê wê melek
Lê dîn dibûn ʿaşiq gelek
Xala ĥebîba pir-ĥemal

Xala cemala dêm-binûr
ʿEqlim kirî sewda ji dûr
Naʾê ji destê min ĥiżûr
ʿEcêb-leṭîf e ew delal

ʿEcêb-leṭîf e cindi ye
B’ ezman-nizafet Kurdî ye
Ageh ji ʿuşşaqan niye
Mest im ji xemra la-yezal

Mest im ji xemra mahitab
Ciwan-leṭîfa nûşebab
Pir kir li min cewr û ʿitab
Reşmar li bircan bûne dal

Reşmar li bircan êwirîn
Bilbil di baxan ġilġilîn
Kafir li ĥalê min girîn
Qelbim kirî ṣed nalenal

Qelbim kirî ṣed ah û wah
Min qeṭ nedî zewq û ṣefa
Zêde li min cewr û cefa
Perwane yim ez bê mecal

Ka tu şîroveyeke giranbuha li vê helbestê nakî?