A B C D E F G H I J K L M N O P Q R S T U W X Y Z
Fatma Savci - Dengbêjekî Dilmayî
198 Xwendin
0 Ecibandin
Asoya Helbesta Kurdî

Fatma Savci - Dengbêjekî Dilmayî

Niha,
Vê kêliyê ji bo wê,
Dibe ku wext yê “Stêrka şivanan” be,
Lehengekî dilkeçik
Ji ser çiyan ve diqevize
di riya Kadizê re derbas dibe
û li rastî awirên Binevşa bêriyê tê.

Axirî havîn e ,
dibe ku vê bîstikê,
Li şaneşîna qesreke bi stûnên Romayî hûnandî,
Dengbêjekî dilmayî,
Dile xwe di hawinekî zîvîn de dikute
û xwe li bejna yara ruqedîfeyî berdide.

Dibe ku di “dûrî” yê de
Tenê keviyeke tenha jî tune be.
Nexwe?
Ev beytik li vî kendalî çi dike?
Şîrove

Ka tu şîroveyeke giranbuha li vê helbestê nakî?