A B C D E F G H I J K L M N O P Q R S T U W X Y Z
Fatma Savci - Bîra Birînê
465 Xwendin
4 Ecibandin
Asoya Helbesta Kurdî

Fatma Savci - Bîra Birînê

Ku niha em neçin tewafa
Vî çiyayî,
Ocaxa van şikeftên ji dapîra mayî
Wê kîjan hec xêrê li me bike
Kîjan welat,
Neqebên xwe ji me re veke?
Wê kalikên me,
çend bihuştên din,
diyariyî me bikin?

çaxê reza betal bû,
ji min dûr neçe,
çirayê vemirî dibêjin:
Wextê kuştina te ye,
li vê deverê...

Gazinan neke!
Em dikarin hinekî din,
birîna xwe,
bi şîr û hingiv xwedî bikin.
çavên wê,
bi jan û girî têr bikin.

Ku em li xwe netewin,
Bi bîra birînê danekevin,
Em ê bi kîjan destê hezkirî,
Zarokatiya xwe ya belavkirî,
Ji van geliyan,
Ji van zeviyan,
Deste bi deste
Bi beybûnan re bidin hev?
Şîrove

Ka tu şîroveyeke giranbuha li vê helbestê nakî?