A B C D E F G H I J K L M N O P Q R S T U W X Y Z
Evdî Çaço - Meded
82 Xwendin
0 Ecibandin
Asoya Helbesta Kurdî

Evdî Çaço - Meded

Amed … amadeye
Duh
û îro
îro Li ber çiryana Dilê min
Savakên te
Hemî rondik
Westandin
Di bê dengiya
Rojê
Kulîlkan
Pêjn û henasa
Pirpirîkan
Zeviyên
Canê min
Bost.. bost
çêrandin
Ez ….
Ji kî
Bixwazim meded?
Ne.. tab
(Cudiyê) miradan
Wekî pûtekî
Mat û bê mirad maye
û (Noh) pêxember
Dudil maye
De razin
Berxikên min
Razin
Qey …
Bextê meye
Em
Bi xewnên xwe re
Bar kin
Ma çi bêjim !
Ne ne pêr bû
Duh bû
Li ser
Bêndera azadiyê
Xewnên me û pirpirîkan
Bi hev re
Yarî, cirîd û sema
Dikirin
Vêce..
çi bêjim
Bê çariyê
Xwe li stuwê
Min alandî ye
Kefte left û
Gevzîneka
Hestên min
Nikarin
Ta peykerekî
Ji te re
Di asimanê
Hîvîyan de
Bi nikurîn in.
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê