A B C D E F G H I J K L M N O P Q R S T U W X Y Z
Elîxan Loran - Xemzexan
128 Xwendin
0 Ecibandin
Asoya Helbesta Kurdî

Elîxan Loran - Xemzexan

Tu yê hil bibî, ez ê dil berdim strana gewriya te
Dibêjim best, kaba min a dilînî tûşî te dibe

Tenêtiyê dipên ji tela min a xurde û zamorte
Ji bo bibêjim bêdengî, ma divê bipeyivim?

Xemzexan, malek ji çend peyvan pêk tê?
Tu bi min û peyvan tê Xemzexan?

Tu li dijî terora folklorê di kurdî de lêkera pêşîn î
Keşfa eyaleteke te ya nû qertafa min a dawîn e

Tirsa min feodal e, gul jî nîn e ez bi xwe bidim
Birjûwazî û ciyawaziya te ergatîvîteya min e

Şewibîn ji tênetiya gewîbûnê ye
Û nanê firneyê ji helbestê nayê xwarin Xemzexan

Gulan 2009