A B C D E F G H I J K L M N O P Q R S T U W X Y Z
Elîxan Loran - Nefskorî
127 Xwendin
0 Ecibandin
Asoya Helbesta Kurdî

Elîxan Loran - Nefskorî

Ji bo hemû aravan


Gurêxên wextekê boncîk vedigerin gundên bê bagurdan
Cirma stûyê wan bêminetî, şûndîyarîyek e li guherên bê pez
Ewtînîyeke virnî ye, korma ji qoqê guran
Ziravê çendîn delavan qetand, kir çirav
Çendîn zixur bizdand, kir axur

Awir; arê bin xwelîyê
Heft xwezî bi şimşatîya mastê neşikênandî
Ji nêz ve qatil, ji dûr ve cahil
Danavî dikim, teyrokên toz û tebar, gend û gemaran

Bi toqa lanetê, ya ku êdî kevirê qawetê
Diricimînim vê sêr û stewrîyê, kordûndetîyê


Li ser modika qertelên bertîlnexwêr û bilindfir
Dewsa nikulên xwar ên qijikên hêknekir û bertîlxwêr
Bazareke henûn e ev, ya ku qira êl û olan tîne
Huşbûna wê nayê zarîkirin